М-Токен, Мобилен токен

Мобилниот токен М-токен е софтверска апликација која се инсталира и користи преку мобилен уред, мобилен телефон или таблет, а служи за идентификација на корисници и потврда на трансакции во системот за електронско банкарство за физички лица OBSGN@T на Охридска Банка Сосиете Женерал.

M-Токен апликацијата може бесплатно да ја преземете од Андроид Market-от.

Откако апликацијата ќе се инсталира, потребно е да се активира со внесување на корисничко име и иницијална лозинка кои можете да ги добиете со поднесување на барање за електронско банкарство во било која експозитура на Банката.

Апликацијата е бесплатна и достапна за користење на 3 јазици: македонски, албански и англиски јазик.

Сигурност
М- Токен апликацијата е замена за хардверскиот токен и нуди еднакво ниво на сигурност, со тоа што и апликацијата како и хардверскиот токен, е заштитена со PIN број кој единствено е познат на сопственикот на мобилниот телефон. PIN-от за пристап на апликацијата може да се промени во секој момент. Дополнително во моментот кога се поставува ПИН, постои и ПИН асоцијација која се состои од назив на држава и приказ на нејзиното знаме. Целта е ПИН асоцијацијата да Ви помогне да внесете точен ПИН во моментот на користење на апликацијата.