Түгээмэл асуулт хариулт

Хэрэглэгч танаа!
Танд энэ өдрийн мэнд хүргэе!
Эх болсон байгаль орчин минь унаган сайхнаараа байж, ирээдүй хойч үед маань энх тунх амьдрахыг Монгол хүн бүхэн билэгддэг. Гэхдээ энэхүү ашдын билэгдлийн цаана байгалийн баялаг, баялгийн нөөцөө зөв зохистой ашиглах тухай бүхэл бүтэн ухаан, арга, заншил буй.
Орчин үед ч байгалийн баялгаа хамгаалж байна гэдэг нэр дор хүн ардаасаа “харамлах” бус төр, иргэн, хувийн хэвшил, иргэний нийгмийн байгууллагууд хамтын менежментийн зарчмаар ашиглах, эзэмших нөхөн сэргээх үйлсэд хамтдаа оролцох замаар явж байна. Энэ бүх харилцааг 2012 оны 5 дугаар сард баталсан Байгаль орчны багц хуулиар зохицуулсан юм.
Байгалийнхаа баялгийг зүй зохистой ашиглах, эзэмших, тэдгээрийг нөхөн сэргээх, ногоон хөгжилд оролцох замаар хэрхэн ногоон ажлын байрыг бий болгож, амьжиргаагаа дээшлүүлэх вэ, хувь хүний хувьд хэрхэн хөгжих боломж байна гэдэг талаар сонирхож байвал энэхүү “Түгээмэл асуулт, хариулт” Танд туслах болно. Түүнчлэн өдөр тутмын тань амьдралд хэрэгтэй мэдээлэл ч энд багтсан байгаа.
Байгаль орчин, ногоон хөгжлийн талаархи “Түгээмэл асуулт, хариулт” нь баяжигдах бүрдээ танд шинэ мэдээлэл хүргэх болно.
Хүндэтгэсэн,
БОНХЯ-ны ХМА-ны дарга
Ч.Базар