Íslandsleikur

Íslandsleikur er hugsaður fyrir nemendur í grunnskólum sem vilja auka landafræðikunnáttu sína á skemmtilegan hátt! Hvort sem það er í skólastofunni, heima við eða á ferð um landið!

Í leiknum má finna Fjórðungaþraut þar sem gefinn er bær á Íslandi og notandi á að velja réttan fjórðung. Í Staðaþrautinni sést staður á korti og notandi á að velja réttan bæ úr þeim möguleikum sem koma upp. Auk þess má merkja við þá bæi sem viðkomandi hefur heimsótt og sjá þá á korti.

Enn fremur eru ýmsar skemmtilegar upplýsingar um bæina, hægt er að skoða íbúafjölda þeirra og sjá nákvæma staðsetningu þeirra á korti.

Íslandsleikur var þróaður af fjórum nemendum í Háskóla Íslands í áfanga um hugbúnaðargerð. Bæjaryfirvöld í þó nokkrum bæjum lögðu til upplýsingar og myndir. Við erum ætíð til í að bæta leikinn og biðjum alla þá sem hafa áhuga á að hjálpa okkur með upplýsingar og myndir að hafa samband! Við viljum líka endilega bæta við fleiri bæjum í framtíðinni.