ENGAGEMK

ШТО Е ENGAGE?

ENGAGE е конференција за друштвени медиуми и активизам, која Младински образовен форум и Радио МОФ оваа година ја организираат по втор пат, а цели да премине во традиционален годишен настан.

ENGAGE е физички и виртуелен собир на домашни и странски активисти, блогери, искусни познавачи на друштвените медиуми и граѓани кои се заинтересирани да го подобрат општеството преку онлајн и офлајн активизам.

ENGAGE е платформа за едукација и дискусија на теми поврзани со протокот на информациите, дигиталните комуникации, слободата на изразување, дигиталната уметност и можностите за граѓанска мобилизација преку интернет.

Преку ENGAGE, Радио МОФ се стреми да го подигне нивото на информираност на граѓаните, нивната присутност и активно делување во сферата на друштвените медиуми и физичкиот простор.

ENGAGE е поддржана од National Endowment for Democracy и Фондација Отворено општество - Македонија.