قران او تخنيك QuranawTakhnik

( قرآن او تخنيك )) د هغه كتاب نوم دى، چې رفيع الله ستانكزى پښتو كړى. د ددې كتاب ليكوال شعبان دوغن دى، په دغه كتاب د قرآن او تخنيك د تړاو په اړه هر اړخيز بحث شوى او دا پكې ښه په ډاگه شوې، چې قرآن كريم د تخنيك په اړه څومره ډيرې لارښونې لري. د كتاب پر منځپانگې ځكه له ډېر بحث نه تېرېږم، چې د گرانو لوستوالو هغه تلوسه چې د كتاب په اړه يې لري، كمه نه شي او په پوره مينه او په ډېره لېوالتيا او تلوسې سره يې تر پايه پورې ولولي، خو دومره به ووايم، چې دغه كتاب ډېر گټور او په زړه پورې دى او هر چاته بويه، چې يو ځلې يې ارو مرو ولولي.
په کتاب کې ښه په ډاګه څرګنده شوې، چې قرآن يوازې يو مذهبي کتاب نه دی، بلکې د هر علم او پوهې په اړه په کې وړ بحث شوی، خو ځيرکې سترګې او لوړې پوهې ته اړتيا لري، د کتاب په ژباړه کې ډېر زيار اېستل شوی، چې د ټولپوهې ژبې څخه کار واخيستل شي او تر ډېره بريد ښاغلی ستانکزی په کې بریالی شوی
اصلاح انلاين