ATGTİ Naviqasiya Proqramı

Azərbaycan Tələbə Gənclər Təşkilatları İttifaqının yerləşdiyi ünvanın tələbələr tərəfindən daha rahat tapılması üçün "ATGTİ Naviqasiya Proqramı" hazırlanmışdır. İnternet bağlantısı ilə işləyən bu proqramı yükləməklə siz "Sahil" və "28 May" metrostansiyalarının çıxışlarından qərargaha gedən yolu rahatlıqla tapa bilərsiniz.


ATGTİ haqqında qısa məlumat:
«Azərbaycan Tələbə Gənclər Təşkilatları İttifaqı» 20 noyabr 2009-cu ildə təsis edilmişdir.İttifaq Azərbaycan Respublikasının 105 dövlət və özəl Ali məktəbinin Tələbə Gənclər Təşkilatını özündə birləşdirir.Bu ali təhsil müəssisələri sırasına həm paytaxt, həm də regionların universitetləri aiddir.
«Azərbaycan Tələbə Gənclər Təşkilatları İttifaqı»nın məqsədi ali məktəblərdə təhsilin inkişafına kömək göstərmək,tələbələrin maraqlarını təmsil və müdafiə etmək, respublikanın ictimai-siyasi ,mədəni, sosial-iqtisadi həyatında onların fəal iştirakını təmin etməkdir. Birlik bu məqsədə nail olmaq üçün aşağıdakı istiqamətlərdə fəaliyyət göstərir:
tələbələri təhsilə və elmi-tədqiqat işlərinə həvəsləndirmək üçün elmi konfranslar,müsabiqələr,olimpiadalar,elmi-əyləncəli oyunlar,seminarlar,dəyirmi masalar,təlim kursları təşkil etmək;
təhsil müəssisələrinin ictimai həyatında tələbə gənclərin fəallığını artırmaq;
tələbələrin hüquqlarını müdafiə etmək;
tələbə gənclər arasında bəşəri dəyərləri təbliğ etmək,vətəndaş cəmiyyətinin inkişafında onların rolunun artırılmasına nail olmaq;
tələbə gənclərdə vətənpərvərlik və milli-mənəvi dəyərlərə bağlılıq ruhunun aşılanması üçün tədbirlər həyata keçirmək;
tələbələrin asudə vaxtının səmərəli təşkilinə nail olmaq məqsədilə mədəni-kütləvi tədbirlər təşkil etmək;
tələbə gənclər arasında mənfi vərdişlərə qarşı təbliğat işləri aparmaq,narkomaniya,alkoqolizm,cinayətkarlq,əxlaqsızlıq və digər neqativ meyllərə qarşı profilaktik tədbirlər həyata keçirmək;
respublikanın daxilində və xarici ölkələrdə keçirilən müsabiqələrdə,olimpiadalrda,sərgilərdə,festivallarda,idman yarışlarında istedadlı və yaradıcı tələbələrin iştirakını təmin etmək.